Jerusalem ah US Embassy On Ni Cu Kum 2014 Gaza War Hnu in,Thisen luan A Tam Bik ni ah a Cang Ai




Jerusalem i US embassy hawn duh lo ruang ah thinhun in buainak a chuak mi ruang ah,Isreal ralkap hna nih meithal in Palestinian pawl an kah hna i Minung 58 an thi i 2771 nih hliam hma an pu tiah Palestinian health official pawl nih an chim .

Jerusalem ah Embassy on ni hi , Kum 2014 Gaza war hnu in,thisen luan tam bik ni ah a cang . Palestinian lei in dawh lo ngai ngai in an cawlcangh ruang le , fire bomb le lung he Israel ralkap pawl cu an doh hna ca ah ,Isreal ralkap lei nih an kah ve hna nak a si i , a thi mi Leng ah hliam hma a pu mi ngakchia 225 le nupawl 79 an ni tel ti ah theih a si.

Jerusalem in meng 45 a hlat nak ah US Embassy hawn nak programe rak cawk buai ding hrimhrim in a rak ra mi an si tiah Israel lei nawl ngei tu nih cun an chim ve.

White House lei nih cun hi bantuk buainak hi Palestinian lei i Hamas tupung pawl tuah mi asi an ti.

Ca cawn nikhat ni US Embassy hawn nak i ven him nak lei ttuan vo a la tu Israel ralkap hna hi minung 40000 hrawng an tling ti ah theih a si.Hi vialte buainak ruang ah hi nak ngam deuh mi buainak zawng a chuah ter kho .

US Embassy ruang ah hin Arap ram mi tampi thinlung a fah ter i vawlei cung ram ngan ram zei maw zat hna zawng an lung a awi lo ngai ti ah theih asi.

cu ca ah Jerusalem hi Isreal khua pi ah co hlan mi hi zum tu mi hna kan i lomh nak a si rual in mi tam pi an thin a khenh ve hna ca ah , hi ruang ah hin vawlei pi buainak tiang zong a chuak te sual kho men ti ah mi tampi nih an thin an i domh cio .

Soirce : CNN




Be the first to comment

Leave a Reply

Your email address will not be published.


*