Rak Rel Ve Hrim ; A Fapa Le Pahnih Lak Ah Nung Ding In A Fapa Pakhat Lawng I Thim Hau Dir Hmun Ah A Dir Mi Hring Tu Nu A Thin Lung Hi Zei Tluk In Dah A Fah Hnga Mu




nu nih fa a dawt nak cu chim hau lo in theih cio a si ko .fa le caah cun thih hmanh ngamh in dawt cio a si . a si nain a tu bantuk thil a tong mi hringtu nu caah cun zei tluk ni dek a har hnga mu .a fapa le pahnih ning tein a daw tu hringtu nu pakhat nih a fapa le pahnih lak ah pakhat lawng a nung ding in i thim a hauh cang tik ah zei ti khin hme khua a hei ruah ve hnga .a fapa le an pahnih ning in nung kho ding an si ti lo caah a duh zong duh lo zong ah pakhat lawng aa thim a hau cang .

hi thil a can nak hi taluk ram Quanzhou ti mi khua ah a si i , fapa  pahnih a ngei mi hring tu nu ” Ronghua” cu a fapa le upa deuh “Haiqing” le hngakchia deuh “Li Haisong ” hna nih an tak pum chung um mi an lung  a that ti lo caah an pahnih in a thi ding dirhmun ah an dir cang. cu tik ah an nu pa in an fapa le pahnih hna cu an mah ngeih mi an lung  veve hlut an i tim . an nu pa cun lung  hlu kho ding an si maw si lo ti ah doctor te nih an van check hna tik ah van chiat ah an pa cu a ngan dam nak nih a tlinh lo caah a lungl kha hlut awk a tha ti lo i a nu pi lung pakhat lawng hlut hau dir hmun ah an dir .cu tik ah an fapa le pahnih lak ah pakhat lawng i thim i lung cu hlut ding a si cang pakhat cu a thi ding a si cang fawn ,si kho seh law an pahnih tein ka lung hi ka hlut ko hna hnga i kei mah tu hi thih kai thim deuh ko hnga a tu cu lung pakhat lawng ka ngeih caah si ko e tiah hringtu nu cu aw lok chong in , ka fapa le pahnih lak ah hin a ho deuh dah ka lung hi ka hlut lai tiah ngeih chia in mitthli he a um i bia a chat kho ti lo .

a dongh nak bik ah cun a fapa hngakchia deuh pa a si mi “Li Haisong” sin tu ah a lung cu a pek i ,a lung a pek chung cu nazi 8 chung a rau .cu ti cun a fa pa hning “Li Haisong ” cu a dam tthan kho ding a hung si cang nain , a fa pa u pa deuh pa ” Li Haiqing” ca tu ah cun ngeih chiat nak a si i thih nak lawng nih a hngah ve cang .upa deuh a si mi “Li Haiqing” nih cun ka nau nih a herh deuh caah ka nau hi an pek hma sa i kei zong an ka pek ve tthan ko lai lung a hlu tu an um te ko lai lung sau tein ka hngah ko lai e tiah a chim ve .

a rauh hlan ah an fapa upa deuh pa “Li Haiqing” caah lung a rak hlu kho tu an um lo a si ah cun an fapa cu a thi chom ding a si caah thin phang le lung re thei in an chungkhar cu caan an hmang .lung a hlu tu an um hmanh ah operation tuah nak phaisa kan ngei kho ti hnga maw kan ngeih mi vialte zong kan zuar dih cang e tiin aw lok chong in nun caan an hmang .

hi bantuk thil hi a tak in a tong mi hring tu nu le pa caah zei tluk in hme a va har hnga mu .




Be the first to comment

Leave a Reply

Your email address will not be published.


*