Pa Hmanh Ah Hawi Hlei In A Pasal Khun ( A Nupi Zong Cu Nudang Nak In A Nusal Khun Ve Hoi )




hi bantuk dir hmun ah dir ve u law pa tam pi ca ah cun a fawi lo ngai ding a si .ai sum kho tawk zong cu an um hnga .  ” Jack ” Kum 30  le a nupi ” Linda ” kum 25 hi ai daw tuk mi nupa an si i , an i neih nak zong kum khat a tling rih lo , nau zong an ngei rih lo .

 

” Jack ” hi Steel Factory ah rian a ttuan mi a si i , a nupi ” Linda ” tu hi cu Office sang mi ah rian a ttuan mi a si ve .

Nikhat cu ” Jack ” a rian ttuan nak Factory ah rian ttuan tu pawl vialte kha special dinner ngei tti ding an si hna ca ah ” Jack ” zong cu voidang a ttin caan ah inn a phan ve ti lo . an rawl hrawm tti nak hmun ah cun zu an ding , beer an ding hna i zei te an thei ti lo .

Zaan Sml 10 : 00 hrawng ah a nupi ” Linda ” nih cun a rak phone i ziah tu tiang inn na phak bal lo a ti tik ah ” Jack ” nih cun rian ttuan tti pawl kan za ten rawl i hrawm tti nak kan ngei i ka rak ttin a tlai deuh lai ti ah a chimh .

Zinglei 1:30 hrawng ah ” Jack ” cu ri tak tak in a rak ttin  i , a nupi ” Linda ” nih cun a thin hun aa sum kho lo i an pa cu a tthuat colh . ” Jack ” zong cu a rit tuk lio a si ca ah ai hngilh chih colh ko .

a nupi nih a velh lio ah hin ” Jack ” hi a ri tuk i a fah zong a thei lo , a thaizing Sml 11 hrawng ah a it nak cun a van tho i a nupi cu a rak um ti lo . a pawng ah ca pakhat a nupi nih a chiah ta mi a hmuh . ca tu a vun rel i , ” ka dawt tuk mi ka pasal nizan ah khan zu ri tuk bu in na rak ttin i ka thin kai sum kho lo i kan tthuat ko khah , kan i umh hlan te in zu ri pasal ka duh lo ti ah ka rak in chimh bal ko khah , rak ka ngai thiam hram ko ne kan dawt tuk ” ti ah ca cu a rak ttial ta .

zei tin dah an si thai ti cu a ttial chih lo , a ho dah a palh deuh ti ah na ruah ve hnga   ???

 

 




Be the first to comment

Leave a Reply

Your email address will not be published.


*