Aung San Su Kyi le Kawl ralkap bawi cungtthu hna cu Biaceih zung sangbik ah chuahpi an hau te ko lai




Rohingya Muslim hna cu a phuphu in thahnawn(genocide) ngol ding le mahti an tuah lo ahcun a sangbik mi biaceihnak he an i huah lai tiah State Counsellor Daw Su Kyi le ralkap bawi cungtthu hna cu,Nobel laksawng la tu nu pathum nih nizanah forhfialnak le ralrin peknak an tuah hna.

Mah hna pathum hi Bangladesh khuapi ralzam dornak hmun tampi ah zarhkhat rau in an kal hnuah press conference ah mahti an chimnak cu si.Bangladesh ramah nunhimnak kawlin minung tamtuk a tlizam mi hna kongah Aung San Su Kyi le kawl ralkap cu mawh an thluk hna i Nobel laksawng cotu Aung San Su Kyi nih mah kongah amit aa chinh i ahrial awk silo tiah an chim.

Yemen ram in Nobel Peace Prize latu Tawakkol Karman nihcun”mah rian hi an ttuan lai maw? silo le biaceih zung sangbik ah chuahpi dah an duh lai”tiah a chim.Rohingya ralzam an tonmi hna ngakchia atam-u cu chungkhar ngei lo in Bangladesh ramah arak zammi an sinak,mah ngakchia hna nu le pa hna cu thah piak an sinak kong  Karman nihcun a chim.

Northern Ireland Nobel laksawng latu Mairead Maguire le Iran ram in Nobel laksawng latu Shirin Ebadi hna zong nihcun” ttuanvo ngeitu hna hi upadi he aa tlak ningin tuah le ttuan an hau te ko lai” tiah ralrin peknak bia an chim ve.Rfa




Be the first to comment

Leave a Reply

Your email address will not be published.


*